«Astana» komandasynyń motıvatsııasy meni alańdatady - Stoılov
ASTANA. QazAqparat - «Astana» fýtbol klýbynyń bas jattyqtyrýshysy Stanımır Stoılov erteńgi «Astana»-APOEL arasyndaǵy oıynǵa qatysty pikirin bildirdi, dep habarlaıdy QazAqparat.
«Erteń komandam jaqsy oıyn kórsetedi dep úmittenemin. Biz upaı jınap, alǵash ret toptan shyǵa alamyz dep oılaımyn. Degenmen, komandanyń kóńil-kúıi men motıvatsııasy meni alańdatady, biraq, fýtbolıster aqyly bar adamdar, árbir oıynnyń mańyzyn túsinedi dep oılaımyn», - dedi bas bapker jýrnalısterge arnalǵan baspasóz máslıhatynda.
Aıta keteıik, jýyrda ǵana «Astana» komandasy osymen úshinshi ret el chempıony atanyp, QR Kýbogyn ıelendi. Sondyqtan, bas jattyqtyrýshy fýtbolshylardyń tehnıkalyq daıyndyǵy jaqsy dep sanaıtynyn jetkizdi. Degenmen, S.Stoılovtiń pikirinshe, APOEL komandasy da byltyrǵydan qaraǵanda jaqsy daıyndalyp kelgenge uqsaıdy.
«Astana» komandasy V tobynda sońǵy orynda tursa da, ÝEFA Eýropa Lıgasynyń 1/16 fınalyna shyǵatyndaı úmiti bar. Ol úshin «Astana» komandasy APOEL-di jeńip, «Olımpıakos» komandasynyń «ıAng Boız» komandasynan jeńilýin tileý.
«Astana»-APOEL arasyndaǵy match 24 qarasha kúni, keshki 22.00-de bastalady. Oıyn «Astana-Arena» stadıonynda ótedi. Oıyndy «Qazaqstan» arnasynyń tikeleı efırinen de tamashalaýǵa bolady.
