«Astana» komandasynyń kapıtany «Djıro d'Italııa» jarysynan tys qaldy
ASTANA. QazAqparat - Qazaqstandyq «Astana» velokomandasynyń kapıtany Tanel Kangert shyntaǵyn syndyryp alýynyń saldarynan «Djıro d'Italııa» jarysynda óner kórsetpeıtin boldy, dep habarlaıdy Sports.kz.
Kangert «Djıro» jarysynyń 15 kezeńiniń sheshýshi bóliginde qulap, shyntaǵyn syndyryp aldy.
«Bul komanda kapıtany úshin jarystyń sońy deýge bolady»,-delingen komandanyń tvıtterdegi resmı blogynda.
«Djıronyń» 15-shi kezeńiniń aldynda Kangert jalpy esepte 10-shy orynǵa taban tiregen bolatyn.
