«Astana» komandasynyń bas bapkeri Mıhal Bılek qyzmetinen ketti
NUR-SULTAN. QazAqparat - Klýb basshylyǵy bas jattyqtyrýshy Mıhal Bılekpen kelisimshartty buzǵanyn habarlady, dep habarlaıdy QazAqparat «Astana» FK baspasóz qyzmetine silteme jasap.
«Astana» fýtbol klýby chehııalyq mamanǵa onyń eńbegi úshin alǵys aıtyp, aldaǵy mansabyna, sonyń ishinde Qazaqstan ulttyq quramasyndaǵy jumysyna tabys tiledi.
Bas bapkerdiń mindetin «Pıterboro» (Anglııa), «Ventspıls», «Rıga», «Skonto» (barlyǵy -Latvııa), «Rostov» (Reseı), «Sanshaınz» (Nıgerııa) klýbtarynda bapkerlik qyzmet atqarǵan, tájirıbesi mol maman Pol Eshýort atqarady.
Eshýorttyń «PRO» sanatyndaǵy bapkerlik kategorııasy bar. Onyń basshylyǵynda komandalar ÝEFA týrnırleri aıasynda 30-ǵa jýyq oıyn ótkizgen.
