«Astana» komandasy oqý-jattyǵý jıynynda danııalyqtardan jeńilip qaldy
ASTANA. QazAqparat - Qazaqstan chempıony jańa maýsymǵa daıyndyqty jalǵastyrýda. Dýbaıda (BAÁ) ótip jatqan oqý-jattyǵý jıynynda Roman Grıgorchýktyń tálimgerleri danııalyq «Kopengagenmen» kezdesti, dep habarlaıdy «SPORTINFORM» SAA.
Kezdesý óte tartysty boldy. Danııalyqtar «Astana» ókilderin 0:4 esebimen oısyrata jeńdi. Birinshi taımda eki komanda da bir-biriniń qaqpasyna gol sala alǵan joq. Ekinshi taımnyń basynda, naqtyraq aıtqanda oıynnyń 48-shi mınýtynda Rasmýs Falk esepti 0:1 etti. Arada 6 mınýt ótken soń máskeýlik «Lokomotıvtiń» burynǵy shabýylshysy Dame N'Doıe ekinshi goldy saldy. Oıynnyń 74-shi mınýtynda astanalyqtardyń qorǵaýshysynyń qateligin utymdy paıdalanǵan Peros Sotırıý esepti 0:3-ke jetkizdi. Sońǵy goldy 79 mınýtta Ahmet Dahım saldy. Esep 0:4.
Aıta keteıik, jıynda jergilikti «Al-Vasl» komandasymen bolǵan alǵashqy matchta astanalyqtar jeńiske jetken edi. Kelesi kezdesýin olar endi 30 qańtar kúni «Mıdtıýlland» komandasymen ótkizedi. Osyǵan deıin klýbtan komandanyń eń qymbat legıonerleriniń biri ketip qalǵandyǵyn da aıta ketý kerek.
