«Astana» komandasy Ispanııadaǵy velojarysqa qatysady
ASTANA. QazAqparat - «Astana» velokomandasy Ispanııada taǵy bir jarysqa qatysady, dep habarlaıdy QazAqparat klýbtyń saıtyna silteme jasap.
14-18 aqpan aralyǵynda qazaqstandyq komanda kópkúndik joǵary dárejedegi «Andalýsııa Výeltasynda» baq synaıdy.
Komanda quramynda Sergeı Chernetskıı, ıAkob Fýlsang, Oskar Gatto, Moreno Mozer, Baqtııar Qojataev, Lýıs Leon Sanches pen Mıhael Valgren bolady.
Jarysqa qatysty tolyqqandy aqparat týrnırdiń resmı saıtynda jarııalanady. Aıta keterligi, shosselik kópkúndik velojarys Ispanııadaǵy Andalýsııa avtonomııalyq qaýymdastyǵynyń Kosta-del-Sol óńirindegi joldarda ótkiziledi. Jarys 2005 jyldan bastap UCI Europe Tour kúntizbesine engizilgen.
Eske sala ketsek, buǵan deıin «Astana» komandasynyń veloshabandozy Lýıs Leon Sanches «Výelta Mýrsııa» birkúndik jarysynda jeńiske jetken bolatyn.
