«Astana» komandasy fınal aldyndaǵy «Týr Avstrııa» velojarysyndaǵy myqtylardyń biri
VENA. 9 shilde. QazAqparat /Tımýr Bekturǵanov/ - Búgin Avstrııada Halyqaralyq velosıpedshiler odaǵynyń qamqorlyǵy aıasynda ótip jatqan «Österreich Rundfahrt» kóp kúndik erler velojarysynyń altynshy satysy bastalady.
Jeksenbi, 10 maýsym kúni Avstrııa joldarynda ótetin fınaldyq jarys aldynda komandalyq jarystaǵy myqtylardyń biri Qazaqstannyń «Astana» komandasy bolyp otyr.
«Týr Avstrııa» jarysynyń alǵashqy kezeńderiniń qorytyndysy boıynsha bizdiń komanda úshin óner kórsetip júrgen shvedtik veloshabandoz Frederık Kessıakoff jalpy esepte alda keledi, ol eń taıaý qarsylasynan 1 mınýt 18 sekýndqa ozyq.
Onymen birge Evgenıı Nepomnıaşıı, Roman Kıreev jáne QR eńbek sińirgen sport sheberi, Azııanyń 8 dúrkin chempıony, Azıada oıyndarynyń 2 dúrkin jeńimazy Andreı Mızýrov Qazaqstan komandasynyń jeńisi úshin kúsh jumsaıdy.
