«Astana» komandasy «Dakar» rallıinde reseılikterdiń «Kamazynan» bas tartady
ALMATY. 29 qańtar. QazAqparat - «Astana» komandasy «Dakar» rallıiniń júk kólikteri jarysyna endi reseılikterdiń «Kamazymen» qatyspaıdy. Bul týraly komanda pıloty Artýr Ardavıchýs búgin Almatyda «Dakar-2013» jarysynyń nátıjelerine arnalǵan baspasóz máslıhatynda málimdedi.
«Dakar-2013» rallıine «Astana» komandasy 1 júk kóligi men 3 jol talǵamaıtyn kóliktermen qatysqan bolatyn. Olardyń arasynan jol talǵamaıtyn pılot Baýyrjan Isabaev pen shtýrman Dmıtrıı ıÝgaı tizgindegen GForce prototıpimen jarysty basynan aıaǵyna deıin júrip ótip, máre syzyǵyn kesip ótken edi. Tuǵyrdyń joǵarǵy satysyna kóterilýge qazaqstandyq ekıpajdarǵa kólikteriniń tehnıkalyq aqaýlary kedergi boldy.
«Bul qolaısyzdyqtar tek zaýyt mamandary ǵana jóndeı alatyn tehnıkalyq aqaýlar. Al ekıpaj músheleri túgeldeı jarysty jalǵastyrýǵa daıyn boldy. Kópshilik tek jeńisti ǵana kóredi. Al oǵan baratyn jol óte qıyn. Bul jarys bizdiń kózimizdi ashty. Buǵan deıingi olqylyqtardyń ornyn toltyryp, sabaq alý úshin qazirden «Dakar-2014» rallıine daıyndyqty bastap kettik», - deıdi júk kóligi ekıpajynyń pıloty A.Ardavıchýs. Onyń aıtýynsha, aldaǵy jyl bul dodada «astanalyqtar» ádemi jáne laıyqty óner kórsetetin bolady. Bul úshin olar ózderiniń «Kamaz» júk kóligin SAT motory bar DAF júk kóligine aýystyrmaq. Olarmen keminde 3 jyl merzimge deıingi kelisimshart jasalyp otyr. Al jol talǵamaıtyn kólikter lıtvalyq qyzmet kórsetýshilermen jumysyn aldaǵy jyly da jalǵastyrmaq.
