«Astana» komandasy «Dakar-2013»-ti 66-ynshy orynda aıaqtady
ASTANA. 21 qańtar. QazAqparat - «Dakar-2013» rallı-marafonynyń jol talǵamaıtyn kólikter arasyndaǵy sanatynda Mini kóliginiń tizginin ustaǵan frantsýzdyq Stefan Peteransel jeńimpaz boldy.
Vesti.kz habarlaǵandaı, 47 jastaǵy frantsýz rallı-marafonynda 11-inshi ret jeńimpaz atanyp, óziniń rekordyn jańartty. Alǵashqy 6 jarysty Peteransel Yamaha mototsıklinde, al qalǵandaryn Mitsubishi jáne Mini kólikterimen jeńdi.
Jeńimpazdyń jalpy ýaqyty 38 saǵat 32 mınýt 39 sekýndty qurady. Márege ekinshi bolyp odan 40 mınýttan sál astam ýaqytqa keshikken ońtústikfarıkandyq Jınel De Vıler («Toıota») jetti. Úshinshi oryn reseılik Leonıd Novıtskııde («Mini»).
Mebar M440 kóligin basqarǵan qazaqstandyq ekıpaj - Baýyrjan Isabaev pen Dmıtrıı ıÝgaı «Dakardy» 66-ynshy orynda aıaqtap, frantsýzdan 30 saǵatqa jýyq ýaqytqa jeńildi.
Eske salaıyq, 34-inshi transqurlyqtyq rallı-marafon besinshi ret Ońtústik Amerıkada ótti. Qatysýshylar jarysty Perý astanasy Lımada 5 qańtar kúni bastady, úsh memleket - Perý, Argentına jáne Chılı boıynsha ótken jarys jolynyń 14 kezeńin eńsergennen keıin, Chılı astanasy Santıagoda márege jetti.
