«Astana» komandasy áıgili «Dakar» rallıine qatysady
ALMATY. 20 jeltoqsan. QazAqparat - «Astana Dakar Team» ataýyn «Astana Motorsports» dep ózgertken qazaqstandyq avtoshabandozdar planetanyń eń áıgili jarysy «Dakar» rallıine qatysatynyn resmı túrde rastady. Argentına, Bolıvııa jáne Chılı elderiniń aýmaǵynda ótetin 9 myń shaqyrymdyq bul dúbirli doda 5 qańtarda Rosarııa (Argentına) baǵytynda bastalyp, 18 qańtar kúni Valparaısoda (Chılı) aıaqtalady.
Uıymdastyrýshylardyń málimdemesine qaraǵanda «Dakar-2014» ótken jarystardan basty aıyrmashylyǵy qatysýshylar marafonnyń bes kezeńinde bólinetin bolady. Máselen, Bolıvııaǵa tek mototsıklshiler men kvadrotsıklshiler ǵana barady. Bul tehnıkalyq jaǵynan anaǵurlym kúrdeli trassa jasaýǵa múmkindik berip, mototsıklshilerdiń jeńil jáne júk mashınalarymen soqtyǵysýyn boldyrmaýǵa kómektesedi.
Onda el namysyn «Astana Motorsports» komandasynyń tórt ekıpajy qatyspaq. Onyń úsheýi jeńil, bireýi júk mashınasy. Olar Proto Overdrive avtokóliginde 356 starttyq nómirine ıe bolǵan pılot Aıdyn Rahymbaev pen shtýrman Vladımır Demıanenko jáne osyǵan uqsas avtokólikte 368 starttyq nómirimen pılot Baýyrjan Isabaev jáne shtýrman Ǵabdolla Áshimov. Sondaı-aq Nissan avtokóliginde 413 nómirimen pılot Denıs Berezovskıı jáne shtýrman Ignat Falkov barady. Al júk mashınalarynyń sanatynda «Dakar 2012» qola júldegeri pılot Artýr Ardavıchýs, shtýrman Alekseı Nıkıjev jáne mehanık Radım Kaplanek baq synaıdy. Bul ekıpaj 542 nómirimen jańa Tatra júk mashınasymen barady.
