«Astana» komandasy Africa Race rallı-marafonyna qatysýǵa tehnıkalyq tekserýden ótti
ALMATY. 28 jeltoqsan. QazAqparat - Keshe Frantsııanyń San-Sıprıen qalasynda 29 jeltoqsan kúni jalaýy kóteriletin «Africa Race» halyqaralyq avtojarysyna qatysýshylardyń temir tulparlaryn tekserý rásimi ótti.
Olardyń arasynda qazaqstandyqtar da bar. Bul básekede el namysyn M440 kóligimen (tuptulǵasy) pılot Janat Jalymbetov pen shtýrman Marat Abyqaev (starttyq nómiri 232), Bowler avtomobılimen pılot ıÝrıı Sazonov pen shtýrman Arslan Sahımov (starttyq nómiri 226), M440-pen pılot Qanat Shagırov pen shtýrman Aleksandr Moroz (starttyq nómiri 214) qorǵamaq.
Klassıkalyq «Dakar» báıgesiniń baǵyty boıynsha ótetin bul dúbirli dodaǵa qatysatyn avtomobılder búgin parom arqyly Ispanııaǵa, odan keıin Marakkoǵa jetkizilmek.
Jarystyń alǵashqy kezeńiniń uzaqtyǵy 658 shaqyrymdy quraıdy. Jalpy Marakko, Mavrıtanııa, Senegal elderiniń aýmaǵy arqyly ótetin «Africa Race» halyqaralyq rallı-marafonynyń jalpy uzaqtyǵy 5 796 shaqyrym. 11 kezeńnen turatyn bul báseke 9 qańtarda Senegal eliniń astanasy Dakar qalasynda márege jetpek.
