«Astana» komandasynyń ókili Henok Mýlıýbyrhan Japonııadaǵy kópkúndikte úzdik úshtikke endi

ASTANA. KAZINFORM - XDS Astana Team veloshabandozy Henok Mýlıýbyrhan Japonııada ótip jatqan «Týr Kıýsıý» kópkúndik jarysynyń ekinshi kezeńinde úshinshi oryn aldy.

114,85 shaqyrymdyq kezeń Mınamıogýnı men Mınamıaso qalalarynyń arasyndaǵy baǵytta ótti jáne tartysty toptyq sprıntpen aıaqtaldy. Birinshi oryndy belgııalyq Drıs De Pýter (Intermarché — Wanty, 2:35:47) ıelense, ekinshi bolyp frantsýz Geofreı Soıpe (TotalEnergies) máre syzyǵyn kesip ótti. Úzdik úshtikti Qazaqstan komandasynyń ókili, erıtreıalyq sportshy Henok Mýlıýbyrhan túıindedi.

Jalpy esepte eki kezeńniń qorytyndysy boıynsha Mýlıýbyrhan jetinshi orynǵa kóterildi.

— Komanda qoldaýynyń arqasynda sátti sprınt ótkizýge múmkindik týdy. Búgingi kezeń biz úshin sátti ótti, ekinshi márte órge bastaǵanda 14 shabandozdan turatyn shaǵyn top alǵa shyqty, men Nıkolıamen birge sol topta boldym. Nıkolıa shabýyl jasaýǵa tyrysty, men de qoldadym, biraq negizgi top qýyp jetti, bári máre syzyǵynda sheshildi. Keshe jaqsy múmkindik qoldan ketip edi, búgin nátıjege jettik. Erteń jańa kezeń — taǵy da synǵa túsemi, — dedi Mýlıýbyrhan komanda baspasóz qyzmetine.

Aıta keteıik, buǵan deıin XDS Astana Team shabandozy Matteo Malýchellı Qytaıda ótken «Týr ozera Taıhý» kópkúndik jarysynda jeńiske jetken bolatyn.

Búgin fýtboldan áıelder lıgasynda «Aqtóbe» tuńǵysh ret chempıon atandy.