«Astana» komandanyń eýrokýboktardaǵy úzdik oıynshylaryn atady
ASTANA. QazAqparat - «Astana» fýtbol klýby Instat derekterine súıene otyryp, eýrokýboktar maýsymynyń úzdik oıynshysyn atady, dep habarlaıdy «SPORTINFORM» klýbtyń resmı saıtyna silteme jasap.
Ortash kórsetkish boıynsha, eýrokýboktarda eń kóp upaıdy Marın Anıchıch jınaǵan. Úzdik úshtik qataryn Bahtııar Zaınýtdınov pen Laslo Klıaınhaısler túgendegen.
«Astananyń» eýromaýsymdaǵy úzdik 5 oıynshysy:
1.Marın Anıchıch - 254
2. Bahtııar Zaınýtdınov - 250
3. Laslo Klıaınhaısler - 245
4. Evgenıı Postnıkov - 240
5-6. Marın Tomasov pen Nenad Erıch - 237
Eske sala keteıik, osy maýsymda «Astana» úshinshi jyl qatarynan Eýropa lıgasynyń toptyq kezeńinde óner kórsetti ári ÝEFA-nyń úzdik 50 klýby qataryna kirip, Qazaqstannyń taǵy bir rekordyn jańartty.
