Astana kolledjderinde sabaq nelikten 18 qyrkúıekte bastalatyndyǵy túsindirildi
ASTANA. QazAqparat - Elordada oqý jylynyń bastalýyna arnalǵan birinshi sabaqtyń taqyryby otansúıgishtikke arnalady. Bul týraly búgin Astana qalasy Bilim basqarmasy basshysynyń mindetin atqarýshy Ánýar Janǵozın málim etti, dep habarlaıdy QazAqparat.
«Barsha elimizdegi sııaqty mektepterde oqý jyly 2 qyrkúıekte bastalady, sebebi birinshi qyrkúıek - Bilim kúni elimizdegi Qurban aıt meıramyna sáıkes kelip otyr. Sondyqtan da Bilim jáne ǵylym mınıstrligi 2017-2018 oqý jylyna arnalǵan saltanatty sap túzeýdi 2 qyrkúıekke aýystyrý sheshimin qabyldady»,-dedi Janǵozın.
Budan bólek ol kolledjderde sabaq nelikten qyrkúıektiń orta kezinde bastalatynyn túsindirdi.
«Kolledjderde sabaq 18 qyrkúıekte bastalady. Bul sheshim kóktemde qabyldanǵan edi. Óıtkeni EKSPO aıasynda óńirlerden balalar kelip jatyr jáne olar negizinen kolledj jataqhanalaryna ornalastyrylýda. Sondyqtan da barlyq balalardy qamtý úshin oqýshylar onynshy qyrkúıekke deıin halyqaralyq kórmege barady, odan keıingi ýaqytta jataqhanalar stýdentterdi qabyldaýǵa daıyndalady. Osy oraıda 18 qyrkúıekten oqý jyly bastalady. Árıne, bul sharalar oqý baǵdarlamasy men sapasyna eshqandaı áser etpeıdi»,-dedi Ánýar Janǵozın.
