Astana kóktemgi tasqyn sýlarǵa daıyndalýda
ASTANA. 19 naýryz. QazAqparat - «Astana sý arnasynyń» jelileri men qurylystary qar sýyn qabyldaýǵa daıyn. Bul týraly astana.kz saıtyna kásiporynnyń baspasóz qyzmeti málim etti.
Sý tasqynyna daıyndyq jumystary barysynda 98 kárizdik sorǵy stansasynda elektr qýatty jáne tehnologııalyq jabdyqtardy jóndeý jumystary júrgizildi. Qazirgi ýaqytta Astana sý qoımasyndaǵy sýdyń mólsheri 219,31 mln. tekshe metr deńgeıine deıin jetip otyr. Bul 410,9mıllıon tekshe metr sý qabyldaı alatyn qoımanyń jobalanǵan kóleminiń 51%-yn quraıdy.
Qorǵaljyn tas jolynyń astyna qar sýyn ótkizetin dıametri 1200 mıllımetrlik qubyrlar salynǵan. Ol sý tasqynyna tótep bere alady.
Alda-jalda tótenshe jaǵdaı oryn ala qalsa, arnaıy alyp sorǵylar, káriz jýý kólikteri men jer qazatyn tehnıkalar da daıyn tur.
Sorǵy-súzgi stansasynda káriz sorǵylaryna kúrdeli jóndeý júrgizilip, tireýish armatýralary aýystyryldy.
Sondaı-aq, dambylar men «Taldykól» jınaqtaýshy-býlandyrý ornyndaǵy sýdyń deńgeıine turaqty baqylaý ornatylǵan.
Kompanııanyń baspasóz qyzmetinen habarlaǵanyndaı, «Taldykól» jınaqtaýshy-býlandyrý ornynda kólemi 50,11 mıllıon tekshe metr sý jınalypty. Bul jobalaý kóleminiń (65,2 mıllıon) 77%-yn quraıdy.
