«Astana-Kókshetaý» jolynyń boıynda birneshe kólik soqtyǵyp, 4 adam qaza tapty
KÓKShETAÝ. QazAqparat - «Astana-Kókshetaý» kúre jolynyń boıynda birneshe kóliktiń soqtyǵysýymen jol apaty oryn alyp, tórt adam opat boldy, dep habarlaıdy «QazAqparat» HAA tilshisi oblystyq jol patrýldik polıtsııasynyń baspasóz qyzmetine silteme jasap.
Polıtseılerdiń málimeti boıynsha jol apaty búgin saǵat 13:40-tar shamasynda «Astana-Kókshetaý» kúre jolynyń 245 shaqyrymda oryn alǵan.
«Qatty borannyń saldarynan atalǵan kúre joldyń boıynda birneshe kóliktiń soqtyǵysýymen jol kólik oqıǵasy oryn aldy. Nátıjesinde tórt adam opat boldy. Qazirgi kezde, oqıǵanyń mən-jaıy anyqtalyp jatyr. Ózge zardap shekkender týraly məlimet joq. Naqty anyqtaǵannan keıin habarlaıtyn bolamyz», dep túsindirdi polıtseıler.
Eske sala keteıik, osyǵan deıin aımaqtyq TJD arnaıy 112 telefon nómiri arqyly oblys aýmaǵynda aǵymdaǵy jyldyń 3-5 jeltoqsan kúnderi aralyǵynda jyldamdyǵy 28 m/s qatty jel turyp, boran soǵady dep SMS habarlama taratqan bolatyn.
