«Astana-Kókshetaý» jolynda 2 adam ajal qushqan kólik apatyna baılanysty qylmystyq is qozǵaldy
KÓKShETAÝ. QazAqparat - «Astana-Kókshetaý» jolynyń boıynda jol apatynan 2 adam opat boldy, dep habarlaıdy QazAqparat tilshisi.
Oblystyq ІІD-niń baspasóz qyzmetiniń málimeti boıynsha jol apaty búgin saǵat 11:00-der shamasynda Aqkól qalasynyń tusynda «Astana-Kókshetaý» tas jolynyń boıyndaǵy «Gelıos» janar-jaǵar maı quıý stansasynyń mańynda bolǵan.
«Astana qalasyna bara jatqan «Toyota Land Cruiser» kóliginiń dóńgelegi túsip qalyp, janynda ketip bara jaqtan «Toyota HiAce» kóligine soǵylǵan. Osynyń saldarynan sońǵy kóliktiń júrgizýshisiniń 1983 jylǵy kelinshegi men 2006 jylǵy bala qaıtys boldy. Oǵan qosa, 11 jolaýshy zardap shekti», dep túsindirdi baspasóz qyzmetiniń jetekshisi Gúlnar Pınchýk.
Qazirgi kezde, jol apatyna baılanysty QR QK-niń 345-babynyń 3-bólimi boıynsha sotqa deıingi qylmystyq is qozǵalyp, saraptama taǵaıyndaldy.
