Astana - Kókshetaý trassasynda avtobýs aýdaryldy, zardap shekkender bar
ASTANA. QazAqparat - Búgin, 29 jeltoqsanda «112» nomerine Astanadan 20 shaqyrym jerde Kókshetaý trassasynda Omby-Astana baǵytymen júrgen avtobýs aýdarylǵany jóninde aqparat kelip tústi. Bul týraly elordalyq TJD baspasóz qyzmetinen habarlady.
Astana qalasy boıynsha TJD oqıǵa ornyna Ortalyq aımaqtyq aeromobıldi jedel-qutqarý jasaǵyn jiberdi.
Oqıǵa ornynan 18 jolaýshy qaýipsiz jerge shyǵaryldy. Qazir olar Astana qalasyna jetkizilmek. 2 adam zardap shekti. Olarǵa Tótenshe jaǵdaılar komıtetiniń apattyq-medıtsına ortalyǵynyń qyzmetkerleri kómek kórsetip jatyr.
Apattyq-qutqarý jumystaryna QR ІІM TJK 13 qyzmetkeri men 4 birlik tehnıkasy jumyldyryldy.
TJD aýa raıy nashar bolǵan jaǵdaıda alys saparǵa shyqpaýǵa keńes beredi.
