Astana-Kókshetaý tas jolynyń jabylýyna baılanysty 600 jolaýshy poıyzben evakýatsııalanady
ASTANA. KAZINFORM - Ulttyq tasymaldaýshy Astana-Kókshetaý tas jolynyń jabylýyna baılanysty 600 jolaýshyny poıyzben evakýatsııalaıdy. Bul týraly QTJ-nyń baspasóz qyzmeti málim etti.
Aýa raıynyń qolaısyzdyǵy jáne Astana-Kókshetaý tas jolynyń jabylýyna baılanysty Ulttyq tasymaldaýshy kólik qoljetimdiligin qamtamasyz etý úshin shuǵyl sharalar qabyldaýda. 2024 jylǵy 12 qazanda «Astana-Kókshetaý-Astana» baǵyty boıynsha júretin №327/328 jáne №623/624 poıyzdaryna 13 qosymsha vagon qosyldy. Bul sharalar shamamen 600 jolaýshyny tasymaldaýǵa múmkindik beredi.
Ulttyq tasymaldaýshy qolaısyz aýa raıy kezinde jolaýshylar tasymalyn qatań baqylaýda ustaıdy. Qazirgi tańda Ulttyq tasymaldaýshynyń qyzmetkerleri poıyzdardyń úzdiksiz qozǵalysyn qamtamasyz etip jatyr.
