Astana – Kókshetaý – Petropavl avtojolynyń ýchaskesinde qozǵalysqa shekteý engiziledi
ASTANA. KAZINFORM — «QazAvtoJol» UK» respýblıkalyq mańyzy bar «Astana — Kókshetaý (aınalma jol arqyly) — Petropavl — Reseı Federatsııasynyń shekarasy (Jańa jol ótkizý pýnkti)» avtomobıl jolynyń ýchaskesinde kólik qozǵalysyna ýaqytsha shekteý engiziletinin habarlaıdy.
— Shekteý 473 — 483 shaqyrym aralyǵynda ortasha jóndeý jumystarynyń júrgizilýine baılanysty 2026 jylǵy 2 maýsym saǵat 04:00–den bastap kúshine enedi.
Jóndeý jumystary kezeńinde 0-2,5 shaqyrym aralyǵynda, ıaǵnı Petropavl qalasyndaǵy «Ońtústik» jol-patrýldik polıtsııa beketinen Jumysshy kentindegi Kerýen kóshesine deıingi ýchaskede barlyq kólik túrleriniń qozǵalysyna ýaqytsha shekteý qoıylady, — delingen habarlamada.
Jeńil avtokólikterdiń qozǵalysy jóndeý jumystary aıaqtalǵanǵa deıin Petropavl qalasy arqyly uıymdastyrylatyn balama baǵyttar boıynsha júzege asyrylady.
Júk kólikteri úshin kelesi avtomobıl joldary arqyly aınalma baǵyt qarastyrylǵan:
— KZ15-02 «Peterfeld — Arhangelsk — Novokamenka — „Jezqazǵan — Arqalyq — Petropavl“ avtojoly», 0 — 30,519 shq;
— KAZ13 «Jezqazǵan — Arqalyq — Petropavl», 938 — 946 shq.
Qozǵalysty qaıta ashý 2026 jylǵy 3 maýsym saǵat 04:00–ge josparlanǵan.
— «QazAvtoJol» ulttyq kompanııasy júrgizýshilerden ýaqytsha engizilgen shekteýlerge túsinistikpen qaraýdy, qozǵalys baǵytyn aldyn ala josparlaýdy, jol júrý ýaqytynyń uzarýy múmkin ekenin eskerýdi, ýaqytsha jol belgileriniń talaptaryn saqtaýdy, belgilengen jyldamdyq rejımin ustanýdy jáne jol qozǵalysy erejelerin qatań oryndaýdy suraıdy, — delingen habarlamada.
Eske salsaq QazAvtoJol Shymkent — Ózbekstan avtojolynda jyldamdyqty tómendetýge keńes bergen edi.
