Astana - Kókshetaý baǵytyndaǵy aınalma jol ýaqytsha jabylady

ASTANA. QazAqparat – 9 qazan kúni Astana - Kókshetaý baǵytyndaǵy aınalma jolda kólik qozǵalysy ýaqytsha toqtaıdy. Bul týraly QazAqparat «QazAvtoJol» ulttyq kompanııasyna silteme jasap habarlaıdy.

«9 qazan kúni saǵat 7:00-den 22:00-ge deıin «Astana-Jaınaq» temirjol ótkelinde jóndeý jumystary júrgiziletinin habarlaımyz. Osyǵan baılanysty mamandandyrylǵan HQKO qasynda ornalasqan «Astana-Kókshetaý» baǵytyndaǵy aınalma jolda kólik qozǵalysy ýaqytsha toqtaıdy.

Jóndeý jumystaryn bir kún ishinde aıaqtaý josparlanyp otyr. Elorda turǵyndary men qonaqtary qozǵalys baǵytyn aldyn ala josparlaýy qajet», - delingen kompanııa habarlamasynda.

Foto: gov.kz