Astana-Kókshetaý avtobanynda kólik aýdaryldy - oblystyq ІІD
ASTANA. 19 qyrkúıek. QazAqparat - 17 qyrkúıekte Astana-Kókshetaý avtobanynyń 234-shaqyrymynda kólik apaty oryn aldy, dep habarlady Aqmola oblystyq ІІD baspasóz qyzmeti.
Belgili bolǵanyndaı, Kókshetaý qalasyna baǵyt alǵan «Mıtsýbısı Padjero» kóliginiń júrgizýshisi rólge ıe bola almaı, aýdarylyp ketken.
Apat kezinde kólik salonynda júrgizýshi, onyń jubaıy men olardyń 2 jáne 3 jasar eki balasy bolǵan. Olardyń barlyǵy túrli jaraqattarmen aýdannyń ortalyq aýrýhanasyna tústi.
