Astana kókónis qoımalarymen tolyqtaı qamtamasyz etiledi
ASTANA. QazAqparat - Astanada qurylysyn bastaý kezeńinde bes kókónis saqtaý qoımasy tur, al taǵy beseýi jobalanýda. Bul týraly búgin Ortalyq kommýnıkatsııalar qyzmetindegi baspasóz máslıhatynda Astana ákiminiń orynbasary Andreı Lýkın málim etti.
Onyń sózine qaraǵanda, elordada jylyjaılardyń qurylysy boıynsha jeti joba júzege asyrylýda, sonyń ekeýi qurylys keńinde bolsa, taǵy beseýi jobalaý satysynda.
«Qalanyń qazirgi zamanǵy saýda ınfraqurylymyn damytý jolymen qalany azyq-túlik taýarlarymen úzdiksiz qamtamasyz etý úshin barsha jaǵdaı jasalýda. Ótken jyldyń aıaǵynda qala aýmaǵynda eki saýda-logıstıkalyq ortalyǵy tapsyryldy»,-dedi A. Lýkın.
Onyń aıtýynsha, Astana naryǵy aýyl sharýashylyǵy taýarlaryn óndirýshiler úshin tikeleı qol jetimdi bolýyn uıymdastyrý turǵysynda elordada kóterme-bólshek logıstıkalyq kesheni qurylysynyń jobasy iske asyrylýda.
