Astana qoǵamdyq kólikterinde jolaqyny mobıldi qosymshalarmen de tóleýge bolady
ASTANA. QazAqparat - Elordanyń qoǵamdyq kólikterinde jolaqysyn QR-kod skanerlep tóleý Beeline operatorlarynyń Moı Beeline, Tele2 jáne Altel mobıldi qosymshalary arqyly qoljetimdi boldy, dep habarlaıdy QazAqparat.
«Astana qalasynda jolaqysyn QR-kodty skanerleý arqyly kelesi mobıldi qosymshalarmen tóleýge bolady:
- Kaspi.kz
- Homebank
- Tolem
- Moı Activ
- Kcell
- Moı Beeline
- Tele2 Kazahstan
- Altel
Jolaqysyn kólik kartasymen de tóleýge bolady. Kartany mamandandyrylǵan kassalar men RTVM-avtomattarda satyp alý qajet. Kassalar men RTVM-avtomattardyń mekenjaılary Transcard saıtynda jáne CTS qosymshasynda ornalastyrylǵan», - dep jazdy «City Transportation Systems» JShS.
Tólem avtobýsqa kire beriste júrgiziletinin esterińizge sala keteıik. Jolaýshylardy túsirý aldyńǵy esikten basqa barlyq esikter arqyly, al avtobýsqa otyrǵyzý aldyńǵy esik arqyly júzege asyrylady.
Múmkindigi shekteýli jandar, zeı̆netkerler, júkti áı̆elder, mektep jasyna deı̆ingi balany ertken jolaýshylar kezekten tys kirý quqyǵy bar.
