«Astana» klýbynyń sapyna jańa veloshabandozdar alyndy
ASTANA. 20 qyrkúıek. QazAqparat - «Astana» velokomandasynyń sapyna Borýt Bozıch pen Kevın Seldraıers alyndy.
Klýbtyń resmı saıtynda habarlanǵanyndaı, slovenııalyq Borýt Bozıch «Team Vacansoleil DCM» klýbynan aýysyp kelgen. 2004 jyldan beri kásipqoı velosportta óner kórsetip júrgen 31 jastaǵy Borýttyń mansabynda 36 jeńis bar. Sonyń ishinde Shveıtsarııa týrynyń 5 kezeńi jáne 2010 jylǵy Výelta kópkúndiginiń 6 kezeńi atalǵan ushqyr sportshymen baǵyndyrylǵan.
Al belgııalyq Kevın Seldraıers osy ýaqytqa deıin «Quickstep» komandasynyń quramynda bolyp kelgen. 25 jastaǵy veloshabandoz, Borýtqa qaraǵanda, negizinen taýly qyrattarda jaqsy kórsetkishter kórsetedi. Ol - Djıro d'Italııa men Parıj-Nıtstsa 2010 týrlarynda eń úzdik jas shabandoz ataǵyn alǵan, bolashaǵynan úmit kúttirer veloshabandoz.
