«Astana» klýby alǵash ret lıga kýbogynyń chempıony atandy

ASTANA. KAZINFORM — Túrkistan qalasynda «Túrkistan Arena» stadıonynda Qazaqstan lıga kýbogynyń alǵashqy jeńimpazy anyqtaldy.

Kýbok úshin «Astana» jáne «Jeńis» komandalary synǵa tústi. 

Bıyl Qazaqstan chempıonatynyń kúmis júldegeri atanǵan astanalyqtar favorıt sanalǵanymen, negizgi ýaqytta esep ashylǵan joq. 104-mınýtta Marın Tomasovtyń pasynan keıin «Astana» sapyndaǵy Karlo Bartolets mergendik tanytty. Sońǵy sátte Ýsman Kamara esepti 2:0-ge jetkizdi. 

Birinshi ret ótkizilgen lıga kýbogynyń júlde qory 450 mln teńge bolatyn. «Astanaǵa» sonyń 129 mıllıony tıse, «Jeńiske» 89 mln teńge berilmek.

Eske sala keteıik, budan buryn ulttyq qurama oıynshysy Erkin Tapalovtyń «Qaıratqa» aýysqanyn jazǵan bolatynbyz.