Astana kitaphanalarynda qalanyń 15 jyldyǵyna arnalǵan kórmeler, áńgimeler men kezdesýler ótkiziledi
ASTANA. 24 maýsym. QazAqparat - Astananyń barlyq kitaphanalarynda shilde boıy elordanyń 15 jyldyq merekesine arnalǵan kórmeler, áńgimeler men kezdesýler men túrli is-sharalar ótkiziledi, dep habarlaıdy Astananyń 15 jyldyq merekesin ázirleý jáne ótkizý jónindegi uıymdastyrý komıteti shtabynyń medıatobyna silteme jasap astana.kz saıty.
Astananyń kishkentaı turǵyndary úshin qalada birqatar tanymdyq áńgimeler men kórmeler uıymdastyrlady. №2 balalar kitaphanasynda «Astana - arman qala» taqyryptyq sóresi men «Jasa, jaına arý qalam - Astana!» kitap merekesi josparlanǵan.
«Týǵan kúnińmen, Astana!» taqyrybyn №3 balalar kitaphanasy, «Astana - meniń bas qalam» is-sharasyn №4 balalar kitaphanasy ótkizedi.
«Bul jer betindegi eń súıikti qala» taqyrybymen №5 kitaphana kórmesin ashsa. «Astanam - eń kórkem kala» ólketaný sabaǵyn №8 balalar kitaphanasy ótkizedi.
Qalanyń kópshilik kitaphanalary da birqatar keshendi merekelik is-sharalardy ázirlepti. Olardyń qatarynda №2 kitaphanadaǵy «Astana - bul bir álem!», «Elorda kelbeti» jáne №5 kitaphandaǵy «Jasaı ber, ásem Astana!» is-sharalary bar.
«Astana - Qazaqstannyń jetistigi men tabysynyń nyshany» taqyryptyq sóresimen bastalǵan merekelik kórmeler, №6 kitaphanada kitap merekesine, №10 kitaphandaǵy «Arý qala - Astana» is-sharasyna jalǵasady. «Astana - Otanymyzdyń júregi, táýelsizdigimizdiń tiregi» №11 kitaphanada ótedi.
«Osy atalǵan is-sharalardyń barlyǵy da adamnyń janyn baıytyp, rýhanı azyq retinde patrıottyq tárbıege baǵyttalǵan úlken mańyzdy is-sharalar. Sol arqyly ádebı jáne shyǵarmashylyq múmkindiktermen jaqyn tanysyp, elordanyń mádenı ómirine qanyǵasyz», delingen habarlamada.
