«Astana» kıprlik «APOEL» komandasymen oınaıtyn boldy
ASTANA. QazAqparat - Qazaqstan chempıony «Astana» fýtbol klýby Chempıondar lıgasynyń pleı-off synynda kıprlik "APOEL" komandasymen oınaıtyn boldy.
Búgin bul týraly Shveıtsarııanyń Non qalasynda ótken jerebe tartý rásimi barysynda belgili boldy. Kezdesýler 18/19 jáne 25/26 tamyzda ótýi tıis. Birinshi match Astanada, qarymta kezdesý Kıprde bolady. Aıta ketý kerek, pleı-off kezeńinen on jeńimpaz lıganyń toptyq kezeńine ótse, jeńilgenderi Eýropa Lıgasynda oınaıtyn bolady. "Astana" Chempıondar lıgasyna alǵash ret qatysýda. Ekinshi biliktilik kezeńinde elordalyq komanda slovenııalyq "Marıbordy" tize búktirgen bolatyn. Keıin týrnırden HIK-ti yǵystyrdy. Pleı-off synyna ótken "Astana" 700 000 eýro tabysqa keneldi. Eger APOEL komandasynan basym tússe, taǵy 12 mln. eýro alýy yqtımal.
