Astana kınoteatryndaǵy tóbeles: buzaqylar eki jylǵa sottaldy

ASTANA. KAZINFORM – Elordanyń eki turǵyny kınoteatrlarǵa kelýshilerge dórekilik tanytyp, qol kótergen. Bul týraly qalalyq prokýratýra habarlaıdy. 

«Eki azamat kınoteatrda adamdarǵa qurmetsizdik tanytyp, oryndyqtan attap, sol jerde otyrǵan kelýshilerdi janap ótken. Onymen qosa tártip buzýshylar eskertý jasaǵan kórermenderdi soqqyǵa jyqqan. Saraptamanyń qorytyndysyna sáıkes jábirlenýshilerdiń densaýlyǵyna jeńil zııan keltirilgen», - delingen habarlamada.

Sot úkimimen eki kináli 2 jylǵa bas bostandyǵynan aıyryldy, sonymen qatar buzaqylarǵa probatsııalyq baqylaý belgilenip, jylyna 100 saǵat májbúrli eńbekke tartyldy.

«Olardan ár jábirlenýshiniń paıdasyna 2 mln teńge shamasynda materıaldyq jáne moraldyq zalal óndirildi», - deıdi elorda prokýratýrasynan.

Úkim zańdy kúshine endi.