Astana əkiminiń jańa jyldyq shyrshasy jaǵyldy (FOTO)
ASTANA. QazAqparat - Elordadaǵy oqýshylar saraıynda Astana qalasynyń əkimi Ədilbek Jaqsybekovtiń atynan búldirshinder úshin jańa jyldyq shyrsha merekesi ótip jatyr.
Dəstúr boıynsha qala əkimi óz atynan jetim balalarǵa, ata-ananyń qamqorlyǵynsyz qalǵan balalarǵa, əleýmettik jaǵdaıy tómen otbasylardyń balalaryna, sondaı-aq, oqýda ozat, ər túrli festıvalder men konkýrstarda jeńiske jetken balalar úshin arnaıy shyrsha jaǵyp, búldirshinderge umytylmas mereke syılaıdy.
Bıyl sharany uıymdastyrýshylar «Jibek jolyndaǵy jańa jyldyq ertegi» atty taqyrypty tańdaǵan eken. Səıkesinshe, balalar da shyǵys mədenıetin pash etetin kostıýmder kıip, aınalany quddy shyǵys eliniń birine aınaldyrǵandaı boldy.
«Jańa jylmen jańa oqý jylynyń da bir kezeńi bastalady. Búldirshinderge tek baqyt, densaýlyq tileımin. Astananyń oqýshylar komandasy búginde respýblıka boıynsha birinshi orynda tur. Sondyqtan, mundaı mereke balalardy odan saıyn qýantyp, oqýǵa degen yntalaryn asha túsedi. Jańa jyl - balalardyń eń asyǵa kútetin merekesi. Qala əkiminiń atynan uıymdastyrylyp jatqan bul shyrsha merekesi - shahar basshysynyń balalarǵa degen zor qamqorlyǵyn tanytsa kerek»,-deıdi jýrnalıstermen əńgimeleskeg qalalyq bilim basqarmasynyń basshysy Elmıra Sýhanberdıeva.
Jalpy, jańa jyl merekesine balalar qatty daıyndalǵanyn baıqaý qıyn emes: ərbir bala ózinshe erekshke kostıým kıip, ózin ertegi keıipkeri sezinip júr. Al uıymdastyrýshylar óz tarapynan óte qyzyqty baǵdarlama əzirlep, ertegiler men mýltfılmderdiń keıipkerlerin «qonaqqa» shaqyryp qoıǵan eken.
