Astana əkimdigi jedel jərdem stansasyndaǵy daý týraly aıtty
ASTANA. QazAqparat - Qalalyq jedel medıtsınalyq járdem stansasynyń aınalasynda bolyp jatqan máselege baılanysty arnaıy komıssııa qurylyp, olar istiń mán-jaıyn anyqtaýǵa kiristi. Bul týraly QazAqparat Astana ákimdigi baspasóz qyzmetiniń jetekshisi Elmıra Júrgenbaevaǵa silteme jasap habarlaıdy
Jelidegi «Astana, hochý pohvalıt/pojalovatsıa» tobyna «Qalalyq jedel medıtsınalyq járdem stansasy» kásiporny ujymynyń Astana ákimi Áset Isekeshevke joldaǵan úndeýi jarııalanǵan. Jazbada basshylyqtyń qyzmetkerlerdi qýdalap jatqandyǵy aıtylǵan. Sonymen qatar jazba avtorlary sońǵy aptada 13 qyzmetkerdiń jumystan óz erkimen ketý týraly ótinish jazǵanyn aıtady. Ujym ókilderiniń sózinshe, mundaı jaǵdaı olardyń QR Memlekettik qyzmet isteri jáne sybaılas jemqorlyqqa qarsy kúres agenttiginiń tóraǵasy A.Shpekbaevqa jazǵan hatynan keıin bastalǵan.
Bul jazbaǵa qatysty Astana ákimdiginiń baspasóz qyzmetiniń hatshysy E.Júrgenbaeva túsinikteme berdi.
«Osy sebepke baılanysty arnaıy komıssııa qurylyp, jaǵdaıdyń mán-jaıy anyqtalýda. Túsindirý jumystary júrgizildi. Jaǵdaı turaqtandy, qazir komıssııanyń aqyrǵy sheshimin kútip otyrmyz. Eshkim de jaýapkershilikten ketpeıdi. Bári baqylaýda»-dedi jetekshi.
