Astana əkimdigi 6 jasar balanyń kópirden qulap, mert bolýyna baılanysty túsinik berdi
ASTANA. QazAqparat - Elorda əkimdigi baspasóz qyzmetiniń jetekshisi Elvıra Júrgenbaeva 6 jastaǵy balanyń kópirden qulap, mert bolýyna baılanysty túsinikteme berdi, dep habarlaıdy QazAqparat.
"Ótken aptada 6 jasar balanyń kópirden qulap, qaza tapqandyǵy týraly qaıǵyly aqparattyń taralǵany belgili. Qazirgi ýaqytta Astana qalasynyń əkimdigi bul oqys oqıǵany nazarǵa alyp, baqylaýda ustaýda. Munan bólek, saıajaı ýchaskeleri qaýymdastyǵy men sol jerdiń turǵyndarynan Esil aýdanynyń əkimdigi qajetti aqparattardy jınady. Kópirge qatysty qandaı da bir sheshim qabyldansa, qosymsha habarlaıtyn bolamyz ", - dedi ol.
Elvıra Júrgenbaevanyń atap ótýinshe, qaıǵyly oqıǵa oryn alǵan kópir qaýipsizdik úshin ýaqytsha qorshalyp, arnaıy belgiler qoıylǵan.
"Ərıne, bul ýaqytsha qabyldanyp otyrǵan shara. Kópirdiń odan keıingi taǵdyry qalaı bolaryn əkimdik sheshedi", - dedi qala əkiminiń baspasóz hatshysy.
Eske salaıyq, Feısbýk áleýmettik jelisinde Astananyń shetki aımaǵyndaǵy turǵyn alqaptarynyń birinde kópirden 6 jasar balanyń qulap ketip, mert bolǵany týraly aqparat taraǵan bolatyn. Málimetti elordanyń Іshki ister departamenti rastady. Qaıǵyly oqıǵa 23 qyrkúıek kúni bolǵan. Anyqtalǵandaı, jaıaý júrginshilerge arnalǵan eski aspaly kópir jartylaı synyp, sýdyń ishine kirip ketken. Biraq eldimeken turǵyndary ony sýdyń ekinshi jaq betindegi nysandarǵa qatynaýdyń qysqa joly retinde osy kúnge deıin paıdalanyp kelgen.
