Astana QHL-2018 Juldyzdar matchyn ótkizýge arnalǵan daýys berýde jeńiske jetti
ASTANA. QazAqparat - Qurlyqaralyq hokkeı lıgasynyń resmı saıtynda «Qaı qala Juldyzdar matchy-2018-di qabyldaýy tıis» degen saýalǵa daýys berý aıaqtaldy. Astana 71% daýys jınap, jeńiske jetti, dep habarlaıdy «QazAqparat» HAA tilshisi astanalyq «Barys» HK baspasóz qyzmetine silteme jasap.
Saýalnamaǵa qatysýshylardyń 19 paıyzy Qazanǵa, 7 paıyzy Vladıvostokqa, 3 paıyzy Helsınkıge daýys bergen.
Eske sala keteıik, QHL Juldyzdar matchynyń qaıda ótetindigi týraly sońǵy sheshim aǵymdaǵy jyldyń mamyr aıynda qabyldanady.
