Astana - Qazaqstannyń maqtanyshy

«Jańa astana ejelden ult uıasy sanalǵan Ulytaýdan salynsyn» degen de pikirler bolǵany esimde. Biraq Elbasy qurǵan komıssııa tıisti máselelerdi qarastyra kelip, soǵan sáıkes dep tabylǵan Aqmolaǵa toqtady. Sol kezde Aqmola qalasynda 290 myńdaı ǵana adam bar edi.

Tańdaý óte durys jasaldy. Óıtkeni Aqmola toǵyz joldyń torabyndaǵy, elimizdiń kindik tusyna ornalasqan qala bolýymen erekshelenetin. Astananyń Aqmolaǵa aýystyrylýy eldiń, jerdiń tutastyǵyn saqtap qalýǵa alǵashqy sátten bastap ıgi áserin tıgizdi dep nyq senimmen aıtýǵa bolady.

Aqmola qalasyn Astana qalasy dep ataý týraly sheshimniń de oryndy bolǵandyǵy sózsiz. Ádemi estiledi, álemniń barsha halyqtarynyń tilderinde ońaı aıtylady. Sondyqtan bolar, Astana dúnıejúzine tez tanyldy. Astanaǵa 1999 jyly ıÝNESKO sheshimi boıynsha «Beıbitshilik qalasy» degen ataý berildi, arnaıy medalmen marapattaldy.

Qazirgi ýaqytta qalada kóptegen zamanaýı sáýletti qurylys jobalary iske asyrylyp jatyr, qala kúnnen-kúnge kórkeıip, óz kelbetin kóz aldymyzda ózgertýde. 2002 jyly ashylǵan bıiktigi 91 metr «Astana-báıterek», «Otan Ana», «Qazaq eli» memorıaldy keshenderi, «Han shatyr» saýda jáne «Dýman» oıyn-saýyq ortalyqtary, Dekoratıvtik músinder, saltanatty Aqorda, sáýleti kelisken sol jaǵalaý, kelbeti ózgeshe kelisim saraıy, t.t. syndy ǵajaıyptary bar sulý shahar Astananyń kórkine kóziń toımaıdy.

Qalada ár jyl saıyn túrli halyq¬aralyq forýmdar, kórmeler, konferentsııalar, mýzykalyq sharalar jáne festıvaldar ótedi.

Ulttyq reńdegi kórnekti oryndar men monýmentterdi, erekshe sáýlettik ǵımarattardy, mádenıet jáne oıyn-saýyq ortalyqtardy, murajaılar, teatrlar jáne galereıalardy, saýda ortalyqtar, astanalyq alleıalar, túrli halyqtardyń ulttyq ashanalary - osynyń barlyǵyn Siz álemniń eń jas bas qalasynda, Astanada tabasyz! Eń ǵajaby sol, Astana sát saıyn qulpyryp, sán-saltanatyn asqaqtata túsýde. Men basqaryp otyrǵan «Ulytaý qyzdary» qoǵamdyq birlestigi Uly Jeńis merekesine oraı bir top ardagerlerdi Astana qalasyna saıahatqa aparyp qaıtty. Arý Astanany aralaǵan ardagerlerimizdiń eldiń ekonomıkalyq qýatyna senimderi nyǵaıdy, birlikti eldiń beıbitsúıgish halqynyń ynty¬maqpen, ymyramen kez kelgen qıyn¬shylyqty jeńe alatyndyǵyna taǵy bir márte kózderi jetti. Ardagerlerdiń «90-jyldary osyndaı qala salamyz degenge eldiń basym kópshiligi kúdikpen qaraǵan edi.Biraq Elbasy elin sońynan erte bildi. Kóshtiń kórkin kóriktendire bildi» degen pikirlerinen artyq baǵa berý menińshe, múmkin emes. «Astana kelbeti - ult kelbeti» dep Elbasy aıtqandaı, bul - shyn mánindegi jańa dáýirdiń qalasy. Astana - tolassyz túleý, damyl¬syz damý ústindegi ásem qala. Astana - jurtymyzdyń jan júregi!

Astana - Qazaqstannyń maqtanyshy, kóz qýanyshy. Azııa qurlyǵynyń soltústiginde keń qanat jaıyp, jarqyrap-jaınap boı kótergen arý da ásem qala. Búkil el abyroıynyń asqaq kórinisi, memleketimizdiń maqtan tutar aınasy.

Dúnıejúzi halyqtarynyń kópshiligi týrıstik, dıplomatııalyq saparmen qonaqqa kelip, elordamyzdyń jyldan-jylǵa kórkeıip, áleýmettik-ekonomıkalyq turǵydan damý qarqynyn údete túskenine tańyrqaı da tamsana qaraıdy. Búgingi tańda Astana álem elderiniń tarıhynda shapshań jyldamdyqpen qaryshtap, ınfraqurylymdyq satylardan taısalmaı, ósip-órkendep kele jatqan eńseli shaharlardyń biri de biregeıi