Astana qazaqstandyq mádenıettiń etalony bolýy qajet - Q.Janahan
ASTANA. Qyrkúıektiń 1-i. QazAqparat /Arman Asqarov/ - Astana qazaqstandyq mádenıettiń etalony bolýy qajet. Búgin elordada ótken «Shyǵarmashylyq bılet» qoǵamdyq birlestiginiń birinshi otyrysynda «Nur Medıa» holdınginiń bas dırektory Qaısar Janahan osylaı aıtty, dep habarlaıdy QazAqparat.
Onyń aıtýynsha, búgingi tańda astanalyq jastardyń, ásirese, qazaq jastarynyń ózin-ózi ustaý mádenıeti tómendeý. «Olar turǵan jerinde kúl-qoqys tastap, aýyzǵa kelgendi aıta beredi. Syrtynan qaraǵanda, óte ersi kórinedi», - deıdi Q.Janahan. Mamannyń pikirinshe, astanalyq jastardyń mádenıetin buqaralyq aqparat quraldary arqyly kóterý qajet. «Teledıdarda arnaıy baǵdarlamalar uıymdastyryp, bul máseleni jan-jaqty talqyǵa salýǵa bolady. «Mádenıetti adam qandaı bolý kerek?» degen aıdarmen maqalalar jarııalap, Internet arqyly bul máseleni talqylaýǵa barlyq qala turǵyndaryn tartý qajet. Astana qazaqstandyq mádenıettiń etalony bolýy qajet», - deıdi Q.Janahan.
