«Astana» Qazaqstan kýbogynyń jartylaı fınalyna ótti
NUR-SULTAN. QazAqparat –Qazaqstan kýbogynyń shırek fınalynda «Astana» óz alańynda «Maqtaaralmen» oınady, dep habarlaıdy QazAqparat Sports.kz saıtyna silteme jasap.
Match alań ıeleriniń basymdyǵymen ótti. Degenmen qonaqtar qaýipti kontrshabýyldar jasap otyrdy. Biraq odan nátıje bolmady. Kezdesý sońynda alań ıeleri óz múmkindigin iske asyra aldy – Kamo Oganesıan bergen dopty Kılan Lebon bos qaqpaǵa súńgitti, esep — 1:0.
Osylaısha, týrnırdiń jartylaı fınalyna «Astana» ótti. Elordalyqtar endi 19 qazanda «Qaısar» - «Ordabasy» matchynyń jeńimpazymen oınaıdy.
«Astana» — «Maqtaaral» 1:0 (0:0)
Gol: Lebon 90 (1:0).
Búgin fýtboldan Qazaqstan kýbogynyń shırek fınaly ótetinin buǵan deıin habarlaǵan bolatynbyz.
Alǵashqy kezdesý «Qaırat» pen «Aqjaıyq» arasynda ótip, nátıjesinde jartylaı fınalǵa Oral komandasy shyqty.
Keıin «Taraz» óz alańynda Qaraǵandynyń «Shahterin» qabyldady. Jartylaı fınalǵa alań ıeleri ótti.
