«Astana» Qazaqstan kýbogynyń aldyn ala kezeńindegi eki týrǵa qatyspaıdy
ASTANA. KAZINFORM - «Astana» shaǵyn fýtbol klýby Qazaqstan fýtbol federatsııasyna 2026/2027 jylǵy maýsymdaǵy fýtzaldan Qazaqstan kýbogynyń aldyn ala kezeńiniń 2 jáne 3 týrlaryndaǵy matchtarǵa qatyspaıtynyn habarlady. Qazaqstan fýtbol federatsııasynyń saıtynan málim boldy.
Mundaı sheshim komandanyń qazirgi qarjylyq jaǵdaıyna jáne atalǵan matchtarǵa qatysýǵa qajetti shyǵyndardy qamtamasyz etý múmkindiginiń bolmaýyna baılanysty qabyldanǵan.
Sonymen qatar «Astana» basshylyǵy komandanyń 2026/2027 jylǵy maýsymdaǵy fýtzaldan Qazaqstan chempıonatynyń Sýperlıgasyna qatysatynyn rastady.
-Klýb qazirgi ýaqytta qarjylyq jaǵdaıdy turaqtandyrý jáne týyndaǵan máselelerdi sheshý úshin qajetti jumystar júrgizilip jatqanyn habarlady. «Astana» basshylyǵy jaqyn arada qarjylyq máselelerdi rettep, komandanyń aldaǵy Sýperlıga chempıonatyna tolyqqandy qatysýyn qamtamasyz etýdi josparlap otyr,-delingen habarlamada.
Qazaqstan kýbogynyń aldyn ala kezeńiniń 2 jáne 3 týrlaryndaǵy matchtarǵa qatysýdan bas tartýdyń quqyqtyq saldary, sondaı-aq ótpeı qalǵan kezdesýlerdiń nátıjeleri máselesi qoldanystaǵy reglamentter men tártiptik normalarǵa sáıkes QFF Baqylaý-tártiptik jáne ádep komıtetiniń qaraýyna usynylady.
Bul másele boıynsha túpkilikti sheshimdi QFF Baqylaý-tártiptik jáne ádep komıteti barlyq mán-jaıdy qaraǵannan keıin qabyldaıdy.
Osyǵan deıin Qazaqstan fýtzal quramasy FIFA reıtınginde qaı orynda turǵanyn jazdyq.
