ASTANA. QazAqparat - Qazaqstannyń estrada juldyzdary Instagram áleýmettik jelisi arqyly QR Prezıdenti N.Nazarbaevty týǵan kúnimen quttyqtady.

Aktrısa, ánshi Ásel Sadýaqsova óz paraqshasynda: «Búkil el bizdiń qurmetti Prezıdentimizdi quttyqtaıdy. Uzaq ǵumyr tileımiz. Tynyshtyq pen beıbitshilik úshin alǵys aıtamyz», - dep jazsa, tanymal ánshi, prodıýser Qydyráli Bolmanov: «Astana kúnimen quttyqtaımyn. Jaratýshy ıemiz bizdiń Elbasymyzǵa kúsh-qýat, densaýlyq pen uzaq ǵumyr bersin», deıdi áleýmettik jelidegi jeke paraqshasynda.

«Elbasymyzdy týǵan kúnimen qutyqtaımyn! Ár úıde baqyt, elimizde beıbitshilik pen turaqtylyq bolsyn», - deıdi bul tilekterge qosylǵan ánshi Dınara Qyryqbaeva.

«Jigitter» kvartetiniń múshesi Baǵlan Ábdiraıymov: «Qurmetti Nursultan Ábishuly Nazarbaev! Sizdi búgingi merekemen quttyqtaımyn. Elimiz órkendeı bersin. Elimizdiń aspany árqashan ashyq bolsyn», - deı otyryp, ózderiniń jeke paraqshasynda Elbasynyń pasporttyq sýretin jarııalaǵan.

Belgili telejúrgizýshi Dınara Sátjan: «Týǵan kúnińmen, súıikti qalam! Týǵan kúnińizben, Prezıdent myrza!», - dese, ánshi, «MýzART» tobynyń múshesi Sáken Maıǵazıev: «Astanamyz ben Elbasymyzdyń týǵan kúni qutty bolsyn, Qazaq eli! Alla taǵala elimizge nur-meıirimin tóge bergeı!» dep jazǵan eken.