Astana qaýipsizdiktiń jańa platformasyn ornatyp jatyr - ázerbaıjandyq saıasattanýshylar

BAKÝ. QazAqparat - Qazaqstan Prezıdenti Nursultan Nazarbaevtyń AQSh-qa sapary men Prezıdent Donald Tramppen júrgizgen kelissózderi taraptardyń ekijaqty qarym-qatynastardy damytýdaǵy ózara múddeliligin kórsetti, deıdi ázerbaıjandyq saıasattanýshylar Tofık Abbasov. Ol osy pikirimen «QazAqparat» HAA tilshisimen bólisti.

«Kelissózder qorytyndysy Qazaqstannyń álemdegi geosaıası jáne geoekonomıkalyq róliniń ósip jatqanyn kórsetedi. Astana ıntegratsııalyq úderisterdi ártaraptandyrýǵa árdaıym úles qosýda, qazirgi qaýip-qaterlerdi der kezinde ańǵara otyryp, qaýipsizdiktiń jańa platformasyn ornatýda. Ózara árekettestiktiń ınnovatsııalyq baǵdarlamalary qoryn jınaqtap, seriktesterge qarsy qadamdar jasap jatyr», - dep esepteıdi Abbasov.

«QR Prezıdenti eldegi ınnovatsııalyq jobalardy tanystyryp jáne olarǵa bastamashylyq ete otyryp, ulttyq damýdyń aıshyqty úlgisin kórsetti», - dep atap ótti saıasattanýshy.

Tofık Abbasovtyń aıtýynsha, Sırııa máselelesin sheshýdegi Astana protsesiniń barysy men tabysty nátıjesi Taıaý Shyǵystaǵy jaǵdaıǵa oń yqpal etti. BUU Qaýipsizdik Keńesine Qazaqstannyń tóraǵalyq etýi de kezdeısoqtyq emes, dedi sarapshy.