Astana kásiporyndarynda 40 mlrd teńgeden astam debıtorlyq qaryz qalyptasqan
Bul týraly qalalyq qarjy basqarmasynyń basshysy Álibı Jumaev qalalyq máslıhattyń revızııalyq komısııamen birlesip ótkizgen jıynynda málim etti.
«2022 jyldyń 1 qańtarynda 45 mlrd 291 mln teńge debıtorlyq qaryz bolǵan. Al 1 shildede ótken jyldardyń debıtorlyq qaryzynan 4 mlrd 625 mln teńgesi óteldi. Onyń ishinde qurylys basqarmasyna qarasty 900 mln teńge, kólik basqarmasyna qarasty 165 mln teńge, janar-jaǵarmaı-energetıkalyq keshen basqarmasyna tıesili 3 mlrd 85 mln teńge qaıtaryldy», - dedi ákimdik ókili.
Osylaısha, 1 shildedegi jaǵdaı boıynsha, ótken jyldardan qalǵan debıtorlyq qaryzdyń kólemi 40 mlrd 666 mln teńge bolyp otyr.
«Atalǵan debıtorlyq qaryzdyń qalyptasýyna birneshe jaıt sebepker boldy. Debıtorlyq qaryzdyń 21 mlrd teńgesi nemese 51 paıyzy kópjyldyq kelisimshart boıynsha aldyn ala tólenýi tıis bolǵan ótemderden qalyptasqan. 19 mlrd 455 mln teńge nemese 47 paıyzy qaryzdy tóleý týraly sot sheshiminiń oryndalmaýynan qordalanǵan», - dedi basqarma basshysy.