Astana kásipkerleri: Sáýlet jáne qala qurylysyna qatysty aryz-shaǵymdar kóbeıip keledi
ASTANA. QazAqparat - Astana qalalyq kásipkerler palatasynyń basshysy Ǵanı Tasmaǵanbetovtyń aıtýynsha, elordada sáýlet jáne qala qurylysy salasyndaǵy aryz-shaǵymdar jyl saıyn artyp keledi, dep habarlaıdy QazAqparat tilshisi.
«Máselen, 2014 jyly kásipkerlerdiń tarapynan 4 myńnan astam aryz tússe, 2015 jyly shaǵymdardyń sany 5 myńnan asty. Al 2016 jyly bıznesmenderdiń sáýlet jáne qala qurylysyna qatysty aryz-shaǵymdary 7 myńnan asyp ketti. Bul degenimiz, kásipkerler tarapynan túsetin árbir 5-shi aryz osy salaǵa qatysty bolyp keledi», - dedi Tasmaǵanbetov búgin Memlekettik qyzmet isteri jáne sybaılas jemqorlyqqa qarsy is-qımyl agenttiginde ótken selektorlyq jınalysta.
Onyń aıtýynsha, búginde arnaıy jumys toby aıasynda qaralatyn aryz-shaǵymdardyń basym bóligi negizdi ekenin dáleldenedi.
