«Astana» kásibı klýby jeńistiń jańa shyńyn baǵyndyratyn tramplın bolmaq - N. Nazarbaev
ASTANA. 4 shilde. QazAqparat - «Astana» kásibı klýby jeńistiń jańa shyńyn baǵyndyratyn tramplın bolmaq. Búgin elordada «Astana» prezıdenttik kásibı sport klýbynyń saltanatty tusaý keseri barysynda sóz sóılegen Memleket basshysy, klýbtyń qurmetti prezıdenti N. Nazarbaev osylaı málimdedi.
«London olımpıadasy bizdiń sporttyq strategııamyzdaǵy jetistikti álemge pash etti. Alaıda, biz buǵan toqmeıilsip, toqtap qalmaýymyz kerek. Chempıon udaıy jattyǵýda bolýy kerek. Sondyqtan da, sportty damytýdyń bul baǵytynda barlyq resýrstardy ıntegratsııalaı otyryp, odan da joǵary kásibı deńgeıge kóterilýge tıispiz. Endeshe, «Astana» prezıdenttik kásibı klýby jeńistiń jańa shyńyn baǵyndyratyn tramplın bolmaq», - dedi N. Nazarbaev. Sonymen qatar, Elbasy mundaı kásibı klýbtar kóptegen elderde qurylǵanyn, olardyń jetistikteri de zor ekenin atap ótti.
