«Astana» kásibı basketbol klýbyna jańa basshy keldi
NUR-SULTAN. QazAqparat - Valerıı Tıhonenko «Astana» kásibı basketbol klýbynyń bas dırektory qyzmetinen ketti, dep habarlaıdy QazAqparat.
Bul mindet endi Samson Arakelıanǵa júkteldi.
«Astana» basketbol klýbynyń baspasóz qyzmetinen málim etkendeı, S.Arakelıan klýbtyń jalǵyz quryltaıshysy «Týrızm jáne sport ındýstrııasyn qoldaý qory» korporatıvtik qorynyń sheshimimen taǵaıyndaldy.
Samson Arakelıan 44 jasta. Jańa laýazymǵa deıin Aqtaýdyń «Kaspıı» basketbol klýbyn basqardy.
«Sport Qory» bas dırektory Ashat Seısembektiń aıtýynsha, balalar akademııasyn damytý jáne jergilikti tárbıelenýshilerdi daıarlaý, «Astana» brendin jáne jalpy Qazaqstan basketbolyn tanymal etý turǵysynda klýbqa tereń reforma jasalatyn bolady. «Astana» basketbol klýby VTB Biryńǵaı lıgasy chempıonatyna qatysýyn jalǵastyrady.
Eks-bas dırektor V.Tıhonenko «Astanaǵa» 2011 jyldan beri basshylyq etti. Onyń jetekshiligimen elorda basketbolshylary Qazaqstan Ulttyq lıgasynyń 10 márte chempıony, Qazaqstan Kýbogynyń 9 márte ıegeri, Qazaqstan Ulttyq lıgasynyń kúmis júldegeri, Qazaqstan Kýbogynyń kúmis júldegeri, FIBA Azııa chempıondary kýbogynyń qola júldegeri, VTB Biryńǵaı lıgasynyń qatysýshysy boldy.
