Astana qarjy polıtsııasy ashyq esik kúnin ótkizdi
ASTANA. 13 qyrkúıek. QazAqparat - Astana qalalyq ekonomıkalyq qylmysqa jáne sybaılas jemqorlyqqa qarsy kúres departamenti qala turǵyndary men qonaqtary úshin quqyqtyq keńes berý maqsatynda «Ashyq esik kúnin» uıymdastyrdy, dep habarlady vedomstvodan.
«Іs-sharanyń keshendi ári nátıjeli ótkizý maqsatynda kóptegen memlekettik organdar men úkimettik emes uıymdardyń ókilderi shaqyryldy. Olar qala turǵyndaryn mazalaıtyn suraqtaryna egjeı-tegjeıli jaýap berdi», - delingen habarlamada.
«Ashyq esik kúnin» ótkizý maqsaty - qala turǵyndarynyń zańnamalyq sıpattaǵy suraqtaryn sheshýde birlesip kómek kórsetý, qalanyń túrli sanatyndaǵy halyq ókilderiniń memlekettik jáne quqyq qorǵaý organdarymen oı almasýy, tildesýi.
Osy kúni departamentke kelgen azamattarǵa quqyqtyq kómek kórsetilip, suraqtaryna jaýap berildi. Onyń ishinde departamenttiń óndirisindegi qylmystyq isterdiń tergelý barysy týraly mol maǵlumat berildi.
