«Astana» qarjy ortalyǵynyń 25% Shanhaı bırjasyna tıesili bolmaq - Kelimbetov
«Jeltoqsan aıynyń basynda, 5 jeltoqsan kúni ınvestıtsııalyq konferentsııa ótkizemiz. Atalǵan konferentsııaǵa Shanhaı bırjasynyń ókilderin shaqyramyz. Olar bizdiń ortalyq qurylymynda 25 paıyzdyq úleske ıe bolady. Jyl sońynda úlestik qatysý boıynsha tolyq qurylymdy qabyldaımyz», - dedi «Astana» halyqaralyq qarjy ortalyǵynyń basqarýshysy Qaırat Kelimbetov QR Syrtqy ister mınıstrliginde ótken «EKSPO-2017 murasy» dóńgelek ústelinde.
Onyń aıtýynsha, qazirdiń ózinde NASDAQ bırjasy, Jibek joly qory jáne ózge de uıymdar AHQO-ǵa úlken qyzyǵýshylyq tanytyp otyr.
«Yntymaqtastyqqa keler bolsaq, Máskeý bırjasymen tyǵyz yntymaqtastyq pen túsinýshilik jáne dostyq qarym-qatynas bar. Olar bizge qarjylyq qyzmetterdiń óńirlik habyn qurýda kómektesti. Aldaǵy ýaqytta blokcheın tehnologııalary sekildi jańa tehnologııalardy damyta túspekpiz. Kelesi aptada ortaq sharalar uıymdastyramyz jáne kelesi jyly Máskeý bırjasynyń jańa ázirlemelerin Astanada kórsetetin bolamyz», - dep atap ótti AHQO basqarýshysy.
«Meniń oıymsha, bizdiń bólimde túrli bırja ókilderi neǵurlym kóbirek bolsa, ekonomıkalyq keńistigimizdegi ekonomıkalyq damý soǵurlym jaqsara túsedi», - dep óz sózin tolyqtyrdy Q.Kelimbetov.
