«Astana» qarjy ortalyǵy alańynda IPO júrgizilmek
ASTANA. QazAqparat - «Astana» halyqaralyq qarjy ortalyǵynyń aktsııalary úshin IPO júrgizý kózdelýde, dep habarlaıdy «QazAqparat» HAA tilshisi.
Úkimet úıinde Elbasynyń 2018 jyldyń 10 qańtaryndaǵy Joldaýyna aıasynda búgin QR Ulttyq ekonomıka mınıstri Tımýr Súleımenov el ekonomıkasynyń damytý boıynsha belgilengen 10 mindetti atap ótti. Ekonomıka mınıstrligi Joldaýdaǵy 10 mindetti oryndaý úshin 87 sharany iske asyrýdy qarastyrmaq.
Mınıstr óz sózinde Joldaýdaǵy tórtinshi mindet, ıaǵnı, kólik logıstıkany damytý úshin 3 shara josparlanǵandyǵyn atap ótti.
«Tsıfrlyq tehnologııalardy engizý arqyly kóliktik quraldardy kóbeıtý qarastyrylǵan. Sonymen birge, óńirlerdegi joldardy jóndeýge jergilikti bıýdjetterdi qosa alǵanda 150 mlrd teńge tartý kózdelýde», - deıdi Tımýr Súleımenov.
Sonymen birge, mınıstrdiń aıtýynsha, Joldaýdaǵy altynshy mindetti oryndaý úshin 8 shara qarastyrylyp otyr.
«Joldaýda belgilengen 10 mindettiń altynshysy boıynsha «Qarjy sektoryn jańǵyrtý» aıasynda 8 shara qarastyrylǵan. Olardyń barlyǵy Ulttyq banktiń qarjy sektoryn damytý boıynsha baǵdarlamasyna saı iske asyrylady. Naqtyraq aıtqanda, bul sharalar bıznesti uzaq merzimge nesıeleýge baǵyttalǵan. Sonymen birge, Halyqaralyq qarjy ortalyǵy alańynda IPO júrgizýge daıyndyq jasalýda. 2018 jyly «Samuryq Qazynanyń» birqatar portfeldik kompanııalarynda IPO júrgizý qamtamasyz etilgen», - deıdi Tımýr Súleımenov.
