«Astana – Qaraǵandy» trassasynda adamdarǵa myltyqtan oq atqan kúdikti ustaldy
Málim etilgendeı, bıylǵy 6 qyrkúıekte Arshaly aýdandyq polıtsııa bólimine elordanyń 19 jastaǵy turǵyny aryzdanyp, Jibek Joly kenti mańynda belgisiz tulǵalar oǵan tıesili Toyota Land Cruiser-200 avtokóligine zaqym keltirgenin aıtqan.
«Oqıǵa ornyna dereý jetken jedel-tergeý toby «Astana – Qaraǵandy» tasjolynda belgisiz adamdar arasynda janjal týyndaǵanyn anyqtady. Kýágerlerdiń aıtýynsha, qaskóılerdiń biri oqıǵa qatysýshylaryna myltyqtan birneshe ret oq atqan. Polıtseıler oqıǵa ornynan atylǵan gılzalar men gaz ballonyn tárkiledi. Saraptama taǵaıyndaldy», - delingen habarlamada.
Júrgizilgen tergeý jáne jedel-izdestirý sharalary barysynda Aqmola oblystyq Polıtsııa departamenti Krımınaldyq polıtsııa basqarmasynyń, Arshaly aýdandyq polıtsııa bólimi tergeý basqarmasynyń jáne polıtsııa bóliminiń qyzmetkerleri qylmysty jasady degen kúdiktini anyqtap, ustady.
«Ol buǵan deıin QR Qylmystyq kodeksiniń 293-baby boıynsha qylmystyq jaýapkershilikke tartylǵan Astana qalasynyń 39 jastaǵy turǵyny bolyp shyqty.
Tintý is-sharalary barysynda kúdiktiden zattaı dálelder, atap aıtqanda Nagan tapanshasy jáne 57 oq tárkilendi. Arshaly polıtsııa bólimi osy faktige sáıkes QR QK 293-babynyń 3-bóligi «Buzaqylyq» boıynsha sotqa deıingi tergeýdi bastady. Kúdikti ýaqytsha ustaý ızolıatoryna qamaldy», - dedi polıtsııadan.
Foto: polisia.kz
