Astana-Qaraǵandy trassasyna deıingi aralyqtaǵy A62 kóshesinde qozǵalys ashylady
ASTANA. QazAqparat – 12 qarashada A91 kóshesinen Astana-Qaraǵandy tasjolyna deıingi aralyqta ornalasqan A62 kóshesindegi qozǵalys ashylady. Bul týraly QazAqparat tilshisi elorda ákimdiginiń Facebook-tegi resmı paraqshasyna silteme jasap habarlaıdy.
«12 qarasha, senbi kúni A91 kóshesinen Astana-Qaraǵandy tasjolyna deıingi aralyqty qamtıtyn A62 kóshesindegi qozǵalys ashylady. Bul kóshe Qaraǵandy tasjoly, «Nurly Jol» vokzaly jáne qalanyń sol jaǵalaýy arasyndaǵy kólik qatynasyn qamtamasyz etedi. Osylaısha, Nájimedenov, Baıtursynov kóshelerindegi kólik aǵyny azaıady, tranzıttik kólikterdiń bir bóligi Qoshqarbaev, Abylaıhan dańǵyldary men Aınakól jáne Qobda kósheleri arqyly ótedi», - delingen ákimdiktiń áleýmettik jelidegi paraqshasynda jarııalanǵan habarlamada.
A62 kóshesi negizinen 8 jolaqty. Degenmen búgingi tańda bul kóshedegi jóndeý jumystardyń bir bóligi ǵana aıaqtalǵan. Sondyqtan ázirge 4 jolaq boıynsha qozǵalys ashylady. Ákimdik málimetinshe, qalǵan 4 jolaqty iske qosý jumystary kóktemde jalǵasady.
