Astana-Qaraǵandy teliminde poıyz qozǵalysy qalpyna keltirildi

ASTANA. 13 jeltoqsan. QazAqparat - 2012 jylǵy jeltoqsannyń 12-sinde 13 saǵat 10 mınýtta Qaraǵandy jol bólimshesiniń Astana-Qaraǵandy telimindegi Aqtasty-Shoqaı ótkeliniń 635-shaqyrymynda №1626 júk poıyzynyń 11 júk vagony joldan shyǵyp ketti. Osynyń saldarynan eki jolda da poıyz qozǵalysy toqtatyldy. Oqıǵa ornynda qalpyna keltirý poıyzy jumys jasady. «Jolaýshylar tasymaly» AQ baspasóz qyzmetiniń málimetinshe, máseleniń mán-jaıyn anyqtaý maqsatynda arnaıy qurylǵan komıssııa iske kiristi.

Búgin, 13 jeltoqsanda «Qazaqstan temir joly» UK» AQ baspasóz qyzmeti habarlaǵandaı, atalmysh jol teliminde poıyz qozǵalysy qalpyna keltirildi. Jolaýshy poıyzdary jedeldetilgen keste boıynsha ótkizilýde jáne barlyq keshikken poıyzdardyń qozǵalysy kestege sáıkes qamtamasyz etiledi.