«Astana-Qaraǵandy» tas jolynda 60 jolaýshy qaýipsiz jerge kóshirildi
ASTANA. QazAqparat - «Astana-Qaraǵandy» tas jolynda 60 jolaýshy qaýipsiz jerge kóshirildi, dep habarlaıdy 24.kz.
22 qazan kúni 05:40-ta «112» nómiri boıynsha «Astana-Qaraǵandy» tas jolynda qalaǵa 20 shaqyrym jetpeı, 60 jolaýshysy bar avtobýs synyp qalǵandyǵy týraly aqparat kelip tústi. Oqıǵa ornyna №1 Avtobýs parkiniń 2 tehnıka birligi (avtobýs, Kamaz) jetedi. Avtobýstyń 60 jolaýshysy (Tájikstan, Ózbekstan, RF azamattary) «Astana-Qaraǵandy» tas jolyndaǵy dámhanalardyń birine kóshirildi. Kólik Reseıdiń Tıýmen qalasynan Qyrǵyzstan Respýblıkasyna jol tartqan bolatyn. Astanalyq «112» kezekshi qyzmetiniń jedel áreketteriniń arqasynda avtobýstyń 60 jolaýshysy ýaqytyly qaýipsiz jerge kóshirilip, japa shekken adamdar joq.
