«Astana-Qaraǵandy» avtojolynyń qurylysyna otandyq ınvestorlar tartylýy yqtımal
ASTANA. 25 qazan. QazAqparat - «Astana-Qaraǵandy» avtojolynyń qurylysy otandyq ınvestorlardy tartý arqyly júzege asýy múmkin.
Bul týraly búgin Kólik jáne kommýnıkatsııa mınıstrligi Avtokólik joldary komıtetiniń tóraǵasy Nurlanbek Ómirbaev jýrnalısterge bergen suhbatynda málim etti.
«Astana-Qaraǵandy» avtojolynyń qurylysy boıynsha kontsessıoner tańdaý konkýrsy eki márte ótken bolatyn. Biraq, onda konkýrs eshnárseni anyqtamaǵan edi. Al qazirgi tańda avtojoldardy basqaratyn ulttyq operator aıqyndalǵan soń osy jobany qarajattar tartý arqyly júzege asyrǵymyz keledi jáne olar otandyq ınvestorlar bolýy múmkin», - dedi N. Ómirbaev.
Onyń aıtýynsha, búgingi kúni atalǵan joba boıynsha jobalyq-smetalyq qujattar daıyndaýǵa qarajat bólinip, konkýrstyq qujattar ázirlenýde. Al konkýrsty kelesi jyldyń ekinshi jartysynda júzege asyrý kútiledi.
